А. Қ. Құсайынов атындағы ЕАГИ студенттері Oxford University Press баспасы ұйымдастырған ELTOC (English Language Teaching Online Conference) Chapter 11 халықаралық онлайн конференциясына қатысты

2025 жылғы 16-18 қазан аралығында Шетел тілдері және аударма ісі кафедрасының аға оқытушылары А. М. Сарсенова және Г. К. Темиргалиеваның жетекшілігімен ШТ-23-02, ШТ-23-03 және ИЯ-23-01 академиялық топтарының студенттері Oxford University Press баспасы ұйымдастырған ELTOC (English Language Teaching Online Conference) Chapter 11 халықаралық онлайн конференциясына белсене қатысты.

Іс-шара ағылшын тілін оқыту саласындағы өзекті тақырыптарға арналған үш күндік кәсіби даму вебинарларын қамтыды. Конференцияға қатысушылар ағылшын тілін оқытудың заманауи әдістерімен танысып, халықаралық үлгідегі сертификаттарға ие болды.

Студенттер келесі сессияларға қатысты:

• ​Панельдік пікірталас «English Beyond the Classroom» (спикерлер: Крис Кортен және Мариуан Али);
• «Managing my feelings: Emotional regulation in the classroom» (Elna Coetzer);
• «Teaching Generation Alpha: Strategies for the modern ELT classroom» (Olga Sayer);

Мұндай халықаралық кәсіби іс-шараларға қатысу студенттердің академиялық ұтқырлығын, цифрлық және коммуникативтік құзыреттіліктерін арттырып, А.Қ. Құсайынов атындағы Еуразия гуманитарлық институтының әлемдік білім беру кеңістігіне интеграциялануына зор үлес қосады.